*الفكره مش شبكه ومهر *
بقلم أسماء خلف
الفكره انه يكونلك سند وظهر انه يعرف ازي يهتم بيكي ويحتويكي يحميكي ويخاف عليكي يكون راجل ليكي مش عليكي يحطك ف عنيه وميتمناش نزول دمعه من عنيكي يحبك ويحترمك ويقدرك يمدك بالقوة ويشجعك علي اي حاجه حلوة تعمليها يقدر اهتمامك بيه وانتي كمان تقدري اهتمامه بيكي ويحاول يكون قد المسؤليه لان الرجوله مش شنب وصوت تخين او انه يعلق كام بنت وبكدا يكون جنتل مان الرجوله مواقف بتبان مع مرور الايام منها انه يكون جمبك يهتم بيكي ويحافظ كمان عليكي يكون قد الوعد اللي وعده وميخلفش بيه يكون انسان عندوا ضمير مش زي اي حد تاني معندوش ضمير يكون امان ليكي يحسسك انك كل دنيته ومهتم بكل تفصيله من حياتك حتي لو صغيره وانتي كمان يتعب عشانك وكمان ميخسرش عيلته يشتغل ويبني بيته ومش عيب لما تساعديه وانك متحسسهوش انه ضعيف او مش من مستواكي اللي بيحب بيضحي بيساعد وبيساند وبيعافر وبيقف ضدد الظروف مهما كان هو مين او ابن مين او من عيله مين ومهما كانت هيا كمان مين او بنت مين او من عيله مين الحب ميعرفش عليه او فقير او غني الحب احساس وتضحيه تفاني اخلاص وفاء امان ناس كتير مرت بالحب بس مش مرة بيصيب والاحساس يطلع صح اوقات كتير بيخون وتنهدم كل حاجه اتبنت ف سنين بتنهار في غمضه عين والسبب محدش يعرفوا غير الطرفين كل واحد منهم ليه اسبابه وممكن يكون ف طرف تالت ومش حابب الموضوع يكمل الناس بقا معندهاش ضمير او حتي حياء علشان يخربوا اي علاقه سواء كانت خطوبه او جواز وف النهايه بيعاني الطرفين بس و الناس اللي بيحبوهم بس غير كدا بيكون كتير فرحان فيهم بس مش مبينين وعاملين انههم زعلانين عليهم وكان نفسهم يكملوا مع بعض ف النهايه بجد الطرفين بس هما اللي بيعانوا ♥
احسنت النشر
ردحذف